20. பயனில சொல்லாமை

குறள் 191:பல்லார் முனியப் பயனில சொல்லுவான்
எல்லாரும் எள்ளப் படும்.குறள் 192:பயனில பல்லார்முன் சொல்லல் நயனில
நட்டார்கண் செய்தலிற் றீது.குறள் 193:நயனிலன் என்பது சொல்லும் பயனில
பாரித் துரைக்கும் உரை.குறள் 194:நயன்சாரா நன்மையின் நீக்கும் பயன்சாராப்
பண்பில்சொல் பல்லா ரகத்து.குறள் 195:சீர்மை சிறப்பொடு நீங்கும் பயனில
நீர்மை யுடையார் சொலின்.குறள் 196:பயனில்சொல் பராட்டு வானை மகன்எனல்
மக்கட் பதடி யெனல்.குறள் 197:நயனில சொல்லினுஞ் சொல்லுக சான்றோர்
பயனில சொல்லாமை நன்று.குறள் 198:அரும்பயன் ஆயும் அறிவினார் சொல்லார்
பெரும்பயன் இல்லாத சொல்.குறள் 199:பொருள்தீர்ந்த பொச்சாந்துஞ் சொல்லார் மருள்தீர்ந்த
மாசறு காட்சி யவர்.குறள் 200:சொல்லுக சொல்லிற் பயனுடைய சொல்லற்க
சொல்லிற் பயனிலாச் சொல்.